OS USUARIOS DO CENTRO DE DÍA VISITAN O MUSEO DO VIÑO

OS USUARIOS DO CENTRO DE DÍA VISITAN O MUSEO DO VIÑO

Tino Cordal fixo de anfitrión para os 11 usuarios que, xunto cos seus familiares, visitaron o Museo do Viño de Cambados.

O concelleiro de Sanidade, Servizos Sociais e Terceira Idade de Cambados, Tino Cordal, fixo unha visita guiada ao Museo do Viño cos 11 usuarios do Centro de Día de Cambados e os familiares dos mesmos.

Os 11 usuarios do Centro de Día, xunto cos seus familiares, estiveron visitando no día de hoxe as instalacións do Museo do Viño do Concello de Cambados, dentro das actividades que organiza a Consellería de Servizos Sociais coa empresa que xestiona o Centro de Día cambadés, adherido á Rede de Atención ás Persoas Maiores, dependente do Consorcio Galego de Servizos de Igualdade e Benestar, para que os usuarios puideran coñecer de primeira man as distintas instalacións municipais. Dentro desta iniciativa tamén esta previsto solicitar a visita á Fundación Manolo Paz en Castrelo e ao Pazo de Fefiñáns, así coma a outras zonas de interese para os usuarios e que permita desprazarse a persoas con mobilidade reducida.

Tino Cordal valora moi positivamente este tipo de actividades onde se dá a coñecer aos usuarios do Centro de Día os atractivos turísticos municipais, ademais de que pouco a pouco o número de usuarios deste centro van aumentando, sendo neste momento 11 os usuarios do Centro de Día de Cambados e acollendo usuarios non só de Cambados se non tamén doutros Concellos da comarca do Salnés, pero que nas vindeiras semanas esta prevista a incorporación de novos usuarios para que nun breve espazo de tempo se cubran as 20 prazas previstas inicialmente de usuarios polo Consorcio Galego de Servizos Igualdade e Benestar.

As persoas interesadas en que os seus familiares poidan inscribirse no Centro de Día de Cambados poden pasar polos Servizos Sociais municipais, onde van ser atendidos e informados dos requisitos que establece a Xunta de Galicia para dotar as prazas do centro cambadés e colaborar na elaboración de todos os trámites administrativos e burocráticos precisos.

Deixa unha resposta

O teu enderezo electrónico non se publicará Os campos obrigatorios están marcados con

This site uses Akismet to reduce spam. Learn how your comment data is processed.