Español
English
A concellería de Cultura do Concello de Cambados, comprácese en informar do Premio “Biblioteca Pública y compromiso social“. #PremioBiblioSocial, que vén de recibir a Biblioteca Municipal Luís Rei a través da Fundación Biblioteca Social. Dito galardón convocouse en outubro de 2015 na súa segunda edición, e o pasado 1 de marzo 2016 o xurado valorou como “Mellor proxecto” ao denominado ¡CUÁNTO CUENTA CAMBADOS!, presentado pola biblioteca cambadesa, e que fai mención ao labor realizado durante todo o 2014.
Segundo o xurado, trátase “dun proxecto de natureza holística, global, ben orquestrado e con recursos razoables, que colabora “coa comunidade”, non “para a comunidade, tratando de que a biblioteca e o libro acodan onde hai vida, non á inversa. Facilita cohesión social e cidadá ao eliminar fronteiras de destinatarios –veñan de onde veñan-, normaliza ao usuario con discapacidade, actúa coa proximidade e a reivindicación lingüística, de forma que a cultura e o libro deveñen en instrumentos de pertenza, participación cidadá e transformación.”
O accésit recibiuno o proxecto titulado “JUZBADO, LIBRO ABIERTO” da Biblioteca Municipal de Juzbado (Salamanca).
Presentáronse un total de 30 proxectos (de Galicia só o de Cambados). Nos vindeiros meses representantes da Fundación achegaranse á biblioteca para ver in situ como se desenvolve o proxecto cuxo público obxectivo é sobre todo a infancia e a xuventude. Alí gravarán un vídeo promocional e outorgarán o premio.
Máis info na web http://fundacionbibliotecasocial.org/es/premio-biblioteca-publica-compromiso-social-2015/ e na acta del Jurado coa valoración sobre os proxectos.
