O Concello de Cambados celebra a II semana de ouro do Albariño do 23 ao 29 de xullo

O Concello de Cambados e o campo de Golf de Meis dan continuidade á colaboración e celebran a segunda edición da Semana de Ouro do Albariño, que tivo un gran éxito en canto a participación na súa primeira edición.

Nesta ocasión volve tratarse dunha actividade que se desenvolverá no campo de golf de Meis e consiste en 5 días de competición independentes e clasificatorios, cada día está patrocinado por unha adega, e cada un dos días ten os seus propios premios que cada adega entregará na súas instalacións para que os participantes poidan coñecer a adega e degustar o Albariño de cada unha. A posterior, o día 29 celebrarase unha gran final na que tamén participarán todas as bodegas e na que competirán a metade dos participantes máis os 3 mellores tarxetas. O premio será unha folla de prata doada polo Concello de Cambados.

Con estas actividades o Concello de Cambados pretende dar a coñecer o Val do Salnés e que a xente se achegue a coñecer Cambados e que desfruten do enoturismo coñecendo tamén as adegas de Albariño.

O programa da semana será o seguinte:

• Día 23.- Bodega Paco y Lola
• Día 24.- Bodega Lagar de Pintos
• Día 25.- Adega Terra de Asorei
• Día 26.- Bodega Gran Bazán
• Día 27.- Bodega Martín Códax
• Día 29.- FINAL

As inscricións están abertas e en principio poden chegar até os 240 xogadores. Poden inscribirse no 986 68 04 00 ou en www.campodegolfmeis.com con prezos de:

• GREEN-FEE NON ABOADO SEMANA 75€
• ABOADOS SEMANA 50€
• PREZO POR DÍA ABONADO 20€
• PREZO POR DÍA NON ABOADO 30€

Para calquer consulta ou dúbida ao respecto por favor chamar ao 986 68 04 00 Campo de Golf Meis.