Español
English
O parque Torrado será este ano o epicentro da segunda edición de “Albariño no Camiño”, unha iniciativa que regresa ao Concello de Cambados da man do Xacobeo e coa colaboración do Consello Regulador da D.O Rías Baixas
Desenvolverase do 1 ao 3 de xullo cun amplo programa de actividades de balde e a participación de dez adegas.
Haberá catas, concertos -todos ás 21 horas e todos de balde- obradoiros, andainas teatralizadas polas integrantes de “Teatro no Garaxe”, exposicións e coloquios.
No apartado musical, volverá a actuar na vila a banda Inmaculate Fools nun cartel eminentemente galego: Magín Blanco e a Banda das Apertas, Señora DJ, Terbutalina, Caamaño e Ameixeiras, Ortiga, Faia, Antía Muíño, Isi Vaamonde e Sheila Patricia.
