IV XORNADAS ACOSO ESCOLAR E BULLYING “ALZA A TUA VOZ CONTRA O ACOSO ESCOLAR”

IV  XORNADAS  ACOSO ESCOLAR E BULLYING “ALZA A TUA VOZ CONTRA O ACOSO ESCOLAR”

Un ano máis, a Asociación TDAH-SALNÉS en colaboración coa Concellaría de Servizos Sociais do Concello de Cambados, celebra as súas IV XORNADAS sobre o Acoso Escolar e o Bullying, as cales levaranse a cabo o vindeiro venres, 15 de Marzo desde as 10 da mañá ata as 20.00 horas , que terá lugar clausura.

Este ano, por primeira vez, estará enfocada para os alumnos das distintas etapas escolares, ademais do profesorado, equipo orientador, familias, estudantes de psicoloxía, pedagoxía, educación, e colectivos e asociacións relacionados coa Educación, etc…

Desde o inicio da nosa andadura como Asociación de afectados polo Trastorno do TDAH, e outros trastornos asociados, que traballa polo benestar das persoas que o padecen, pero tamén polos seus familiares e os mozos en xeral; e sempre baixo o seu lema: “A Diversidade punto de Unión, punto de Encontro”, puxemos a nosa incidencia sobre o tema do Acoso e Violencia entre iguais, dentro e fóra das aulas.

Como é dabondo coñecido e bastante presente nas noticias diarias, as situacións de Acoso e Bullying que se suceden ultimamente, chegan a actitudes tan alarmantes como incomprensibles, ata a situacións de suicidio. O fenómeno denominado Acoso Escolar, maltrato entre iguais ou Bullying, existe desde sempre, pero é nos últimos anos, onde está adquirindo unha maior relevancia social, debido ao aumento dos casos propiciado, en parte polo desenvolvemento das novas tecnoloxías e o fácil acceso a elas.

O OBXECTIVO destas III XORNADAS, non é outro que crear un espazo de Formación, Información e Concienciación dun problema sobre o que, en poucas ocasións actúase de forma contundente; polo que os relatorios teñen un contido orientado a pais, profesionais da educación e do ámbito clínico, que poden detectar no seu día a día, situacións de conflito; implicándolles á súa vez a intervir e situarse contra esta modalidade de violencia.

E, todo iso, sen esquecer que é fundamental, facer visible este fenómeno social, e propiciar un debate e reflexión pública sobre estratexias de prevención e detección dos casos de Acoso e Ciberacoso, para, desta forma, mellorar as respostas a todos os niveis.

Está máis que demostrado que a violencia xera violencia, sexa do tipo que sexa; polo que é o noso deber moral , o contribuír a que isto non suceda, fabricando ferramentas que dalgún xeito minimicen os efectos devastadores que producen as situacións de acoso tanto no que as sofre como no que as provoca.

Un ano máis, os obxectivos específicos que se pretende alcanzar nesta Xornadas son:

– Identificar que é Acoso Escolar: criterios, tipos e consecuencias.

– Ciberacoso: definición, criterios de identificación, tipos, protocolo de actuación e estratexias preventivas.

– Aprender estratexias educativas para previr e saber como actuar desde a familia (de acosados e acosadores)

– A Mediación como ferramenta de negociación

– Son os nenos, catalogados de ?diferentes? máis susceptibles de recibir acoso ó propicialo.

– Crear un espazo de encontro para pais e educadores no que compartir experiencias e inquietudes sobre o acoso escolar ou a violencia na escola.

PROGRAMA IV XORNADAS ACOSO ESCOLAR E BULLYING “ALZA A TUA VOZ CONTRA O ACOSO ESCOLAR”

Deixa unha resposta

O teu enderezo electrónico non se publicará Os campos obrigatorios están marcados con

This site uses Akismet to reduce spam. Learn how your comment data is processed.