Antiga vivenda do século XIX, restaurada en 2010/11. As súas sete habitacións de deseño exclusivo e suxestivos detalles convidan á tranquilidade.
A esmerada selección de cores suaves. Os espazos acolledores cun mobiliario de aire pretérito. Téxtiles e empapelados que crean un ambiente de confort. Todo iso, dentro do fermoso marco da edificación e da contorna, constitúe un estímulo para a comodidade e o goce, ademais de infundir no viaxeiro un estado de ánimo evocador e pracenteiro.
O orixinario portalón da vivenda dá acceso á recepción e sala de estar do Hotel. Sorpréndenos cunha decoración de contraste con pezas singulares de anticuario (retablos, mobles, iluminación…) A conservación da pedra nalgunha das súas paredes transpórtanos á casa orixinal.