INTERCAMBIO IES RAMÓN CABANILLAS– LYCÉE PAUL PAINLEVÉ (OYONNAX, REXIÓN FRANCESA DE RÓDANO-ALPES)

Hoxe, un grupo de alumnado de intercambio, acompañado por dous profesores, foron recibidos no Concello de Cambados.Trátase dun grupo de 15 alumnos que ten entre 16 e 18 anos. Realizaron un paseo polo barrio de San Tomé ata as Ruínas de Sta. Mariña, acompañados dunha guía local. Están do 7 ao 14 na casa das familias cambadesas, farán visitas durante esta semana a Santiago, Coruña e Sálvora. Pola súa banda, o grupo cambadés xa fora a Oyonnax en Marzo, onde visitou lugares como o Mar de Xeo (Mont Blanc), Annecy, e Lyon, do que voltaron moi contentos e con ganas de repetir. É a segunda vez que este Intercambio ten lugar entre Cambados e Oyonnax, xa en 2014 se realizou cun resultado moi positivo para os alumnos, familias e profesorado.