Español
English
Revolto de Zamburiñas e algas
Ingredientes:
- 16 zamburiñas
- 300 grs. de algas das Costas Galegas (en conserva)
- ½ cebola
- 2 rebandas de pan artesán
- 6 ovos
- 2 limóns
Preparación
Limpar ben as zamburiñas separando a cuncha da vianda e intentando que esta non se dane, eliminar as vísceras e pasar por abundante auga e limón.
Picar ben a cebola e facela nunha tixola mediana ata que estea dourada, incorporar as zamburiñas e unha vez que solten toda a auga, retirala da tixola a lume vivo e non parar de darlle voltas ata que o revolto estea callado e substancioso. Noutra tixola con abundante aceite quente fritir as rebandas de pan artesán ata que estean douradas. Dispoñer o revolto no prato en forma piramidal, colocando as 2 rebandas nun lateral.
Zamburiñas á Prancha
Ingredientes:
- 500 g. de rabada
- 6 vieiras
- 4 anaquiños de chile
- 500 g. acelga
- 4 culleradas de aceite de oliva
- Fariña
- Sal
- Caldo de peixe
- Porro
- Cebola
Preparación
Pícase o allo e o pirixel, engádese sal e un chorriño de aceite con zume de limón. Faise un rustrido a lume lento.
Poranse as zamburiñas na prancha e cando empecen a abrir retirarase unha das cunchas de cada zamburiña.
Posteriormente engádese unha cullerada da salsa e máis tarde retirase e sérvese.
Cazola de zamburiñas
Ingredientes:
- Zamburiñas
- Aceite
- Fariña
- Caldo de peixe
- Limón
Preparación
Ábrense as zamburiñas ao vapor e límpanse.
Frítense un pouco rebozadas en fariña e logo bótanse na cazola xa quente cun chorriño de aceite e engádeselle un pouquiño de caldo de peixe e limón.
Zamburiñas Salteadas
Ingredientes:
- 6 zamburiñas
- 1 pataca cocida
- 200 grs. de espárragos brancos, cocidos e limpos
- 100 grs. de espárragos trigueiros, cocidos e limpos
- Aceite de oliva
- 4 olivas negras
- Sal
- 2 rebandas de xamón ibérico
Preparación
Cocer a pataca e facer unha crema coa mesma. Limpar as zamburiñas, saltealas e reservar. Cocer os dous tipos de espárragos en caldo de ave e cortalos en dadiños. Cortar o xamón en dadiños e saltealo.
Presentación
Facer unha base da crema de pataca e colocar enriba as zamburiñas. Sobre as zamburiñas colócase un pouquiño de ensalada de espárragos e xamón. Aliñar con aceite de oliva e vinagre de Módena.
Zamburiñas ao tolo
Ingredientes:
- Aceite de oliva
- Aceite de xirasol
- Allo
- Cebola
- Pementón doce e picante
- Loureiro
- 1 kg. de zamburiñas
Preparación
Nunha tixola dóurase a cebola con ambos os dous aceites e co allo.
Engádese un pouco de pemento doce e picante e loureiro. Faise un rustrido e déixase arrefriar.
Engádense as zamburiñas previamente cociñadas. Desta forma estará listo para servir.
Top