ACORDO DE DELEGACIÓN DE COMPETENCIA DO PLENO DO CONCELLO DE CAMBADOS NA XUNTA DE GOBERNO LOCAL PARA A ADXUDICACIÓN DO CONTRATO DE SERVIZO DE XESTIÓN DA ESCOLA INFANTIL MUNICIPAL (Expte. 1210/2022).

O Pleno da Corporación Municipal de Cambados, en sesión ordinaria desenvolvida o 26 de setembro de 2024, adoptou entre outros, o acordo que se transcribe seguidamente:

“… PRIMEIRO.- Aceptar a proposta de adxudicación do contrato de Servizo de Xestión da Escola Infantil Municipal formulada pola Mesa de Contratación, en sesión do 24/09/2024, a favor da empresa “Aurora Pilar y Ana, S.L.

SEGUNDO.- Delegar as facultades de adxudicación do contrato do “Servizo de Xestión da Escola Infantil Municipal de Cambados” en favor da Xunta de Goberno Local.

TERCEIRO.- Dar conta ao Pleno da resolución definitiva do expediente.

CUARTO.- A presente Resolución produce efectos ao día seguinte da súa adopción sen prexuízo da súa preceptiva publicación no Boletín Oficial da Provincia…”

O que se fai público en cumprimento do disposto polo artigo 51.2 do Real Decreto 2568/1986, do 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais.

Cambados, 21 de outubro de 2024, O Alcalde. D. Samuel Lago Ozón.