ENTROIDO EN CAMBADOS 2020

ENTROIDO EN CAMBADOS 2020

O Concello de Cambados presentou esta mañá as actividades organizadas para o Entroido, do 21 ao 26 de febreiro, no que se distribuirán máis de 7.500 euros en premios. Os festexos comezarán o venres 21 coa parodia do concurso “A Túa cara sóame” dende as 22:30 na Praza de Alfredo Brañas.

O sábado pola tarde haberá actividades e obradoiros para nenos no parque de Torrado e xa o domingo será o día grande co Desfile de Carrozas que sairán ás 17 horas da Escalinata de San Tomé ata a Praza de Fefiñáns.

O luns 24 será o baile infantil organizado en colaboración coa Cofradía de Pescadores San Antonio, a partir das 17 horas no Salón Peña.

O martes 25 terá lugar o Gran Concurso de Disfraces e de Comparsas dende ás 17 horas na Praza de Alfredo Brañas. O concurso de Comparsas, terán que realizarse no Auditorio da Xuventude en caso de choiva.

Xa para rematar, o mércores de cinza os cambadeses enterrarán ás longas esperas na Sanidade Pública. Os alumnos do Obradoiro de Emprego imitarán estar nunha sala de agarda durante o percorrido que sairá ás 19 horas dende o Concello ata a Praia de San Tomé onde se ofrecerá a homilía a cargo do Frade Goio.

A programación do Entroido foi presentada esta mañá polo edil de cultura, Tino Cordal, acompañado do concelleiro de economía, Xurxo Charlín, e da directora do Obradoiro de Emprego, Bea Esteban.

BASES CONCURSO CARROZAS ENTROIDO 2020

BASES CONCURSO DE COMPARSAS ENTROIDO 2020

BASES DO CONCURSO DE DISFRACES INFANTIL ENTROIDO 2020

BASES DO CONCURSO DE DISFRACES XUVENIL E ADULTO ENTROIDO 2020

PROGRAMA ENTROIDO CAMBADOS 2020 

Deixa unha resposta

O teu enderezo electrónico non se publicará Os campos obrigatorios están marcados con

This site uses Akismet to reduce spam. Learn how your comment data is processed.