ENTRA EN FUNCIONAMENTO O WIFI GRATUÍTO MUNICIPAL DO CONCELLO DE CAMBADOS

ENTRA EN FUNCIONAMENTO O WIFI GRATUÍTO MUNICIPAL DO CONCELLO DE CAMBADOS

Instaláronse un total de 18 puntos de conexión no casco urbano en nas parroquias.

O investimento de 27.352,93 Euros foi financiado integramente pola Deputación de Pontevedra a través do Plan Concellos

A rede de wifi gratuíta instalada polo concello de Cambados, a través da concellería de Novas Tecnoloxías, xa se atopa operativa desde hai varias semanas, unha vez concluídos os traballos de instalación das redes e aparellos técnicos correspondentes. Segundo sinalou o concelleiro da área, Xurxo Charlín, a posta en funcionamento deste novo servizo municipal vai permitir que a cidadanía poida gozar dunha conexión gratuíta de calidade ao aire libre en varias zonas de espallamento e de lecer do municipio. A rede wifi instalada polo consistorio denomínase Concello de Cambados e trátase dunha rede de alta velocidade subvencionada pola Deputación de Pontevedra por un montante total de 27.352,93 Euros, cuxa tramitación, e posterior mantemento vai ser realizado a través da concellería de Novas Tecnoloxías. O edil tamén quixo ter unhas palabras de agradecemento cara á empresa instaladora da rede, Telefónica, polas facilidades que nos deron para mellorar o proxecto orixinal e por tanto o servizo que imos prestar á cidadanía.

O edil Xurxo Charlín, explicou que se habilitaron 18 puntos de conexión gratuíta que se reparten da seguinte forma, no centro urbano instalaranse no centro social da Mercé, o auditorio, a biblioteca, a Casa do Pescador de San Tomé, o Centro de Día, o Consistorio, a sede de Zona Centro en Rúa Nova, a Casa dá Calzada, a Praza de Abastos, no Parque de Torrado, o Pavillón do Pombal e o Salón Peña. Nas parroquias estarán no parque da Seca de Corvillón e as casas de cultura Xacobe Castro (Corvillón), Vilariño, Oubiña e Castrelo; así como nas unitarias do Couto, nesta última parroquia.

Os puntos de acceso gratuíto posibilitarán a conectividade no interior dos inmobles e tamén no exterior, cunha cobertura teórica de 200 a 300 metros, aínda que pode variar segundo cuestións ambientais e físicas, como obstáculos, interferencias, etc, sinalou o edil Xurxo Charlín, quen animou á cidadanía para usar este novo servizo municipal. De feito para a súa utilización só hai que localizar a wifi, seleccionala sen poñer clave (xa que está aberta). Ao entrar levarache a un portal municipal onde se solicita aceptar as condicións de uso, rexistrar un correo electrónico persoal e despois de aceptar, xa podes navegar sen problemas e dunha forma segura.

Deixa unha resposta

O teu enderezo electrónico non se publicará Os campos obrigatorios están marcados con

Este sitio emprega Akismet para reducir o spam. Aprende como se procesan os datos dos teus comentarios.