Español
English
Este sábado día 24, disputouse no pavillón Príncipe Felipe de Pontevedra a Copa Deputación de Técnica de Taekwondo, a cal é clasificatoria para a Copa Xunta de Galicia, que se celebrará o vindeiro 7 de novembro na localidade de Vilalba (Lugo). Na fase provincial de Pontevedra estaban inscritos un total de 532 deportistas de tódalas categorías e idades, e dos diferentes clubes da provincia. O Clube Vital Sport Cambados e o seu asociado, o Clube Gym Vital de Caldas de Reis, conseguiron clasificar a oito deportistas para a fase autonómica, sendo os clasificados Lucas Fojo Lago, Ariana Mosteiro Vilas, Alba Conde Aragunde, Aitana Rey Gómez, Daniel López García, Yoel Moares Freiría, Mario Abal Martínez e Mario Blanco Falcón, os cales acudirán á cita de Vilalba, dentro de dúas semanas, a realizar un bo papel neste campionato autonómico.
