Curso-taller de autocoñecemento: “amándome, coidándome”

O Concello de Cambados sigue traballando a prol das mulleres e agora organiza un curso de autocoñecemento para que mulleres de todas as idades poidan mellorar a súa autoestima.

Baixo o nome de “Amándome, Coidándome” o taller teórico práctico, promovido pola Concellería de Igualdade, desenvolverase durante o mes de febreiro de martes a venres de 10 horas a 12 horas en Exposalnés.

A iniciativa ten carácter gratuito e poderán participar un máximo de 20 mulleres inscribíndose previamente a través da Oficina de Turismo de Cambados.