CURSO FORMATIVO PARA COIDADORES DE PERSOAS CON DEMENCIA

CURSO FORMATIVO PARA COIDADORES DE PERSOAS CON DEMENCIA

Tódolos mércores do vindeiro mes de novembro será impartido un curso de formación, no salón de actos de Exposalnés, dirixido a coidadores non profesionais de persoas con alzheimer e outro tipo de demencias. O horario do curso será de 17:30 a 19:30.

O obxectivo do curso será achegar formación e información básica ás familias coidadoras de enfermos con alzhéimer e outras demencias para afrontar os coidados, así como formación específica sobre os diferentes tipos de demencias, ofrecendo respostas concretas ás dúbidas diarias do proceso de coidado dunha persoa dependente.

A primeira sesión, impartida o 4 de outubro, constará dunha introducción á enfermidade de Alzheimer e outras demencias, e os seus síntomas cognitivos.

O 11 de novembro impartirase a segunda sesión do curso, sobre os síntomas non cognitivos da enfermidade, transtornos psicolóxicos do comportamento, e terapias non farmacolóxicas.

O día 18, os módulos a impartir serán comunicación coa persoa con demencia, e coidado da persoa coidadora.

Finalizarase o día 25, cun módulo sobre as asociacións de familiares, e cos grupos de axuda mutua.

Para máis información, pódese poñer en contacto cos servizos sociais do Concello, chamando ao teléfono 986 52 09 02.


Descargar: xuntos nos coidados_Cambados.pdf
Descargar: CURSO XUNTOS NOS COIDADOS.pdf

Deixa unha resposta

O teu enderezo electrónico non se publicará Os campos obrigatorios están marcados con

Este sitio emprega Akismet para reducir o spam. Aprende como se procesan os datos dos teus comentarios.