Español
English
O Concello de Cambados e Cambados Zona Centro poñen marcha unha campaña denomidada Bonos Día do Pai 2023 que se vai a rexer polas seguintes bases.
Os BONOS DO DÍA DO PAI 2023 intégranse no proxecto de dinamización do tecido social e económico do Concello de Cambados, e co obxecto de reactivar os sectores comercial e hostaleiro, incentivando para elo a compra nos negocios de proximidade, para a superación dos efectos económicos negativos derivados da pandemia provocada polo COVID-19 así como da crise dos prezos das materias primas orixinada polo guerra de Ucarína.
A través Concellería de Comercio ponse en marcha unha campaña consistente na emisión de vales compra para o seu consumo nos negocios, establecementos comerciais e hostaleiros de Cambados, que contará coa colaboración da cidadanía para a revitalización da actividade económica local.
O Concello de Cambados aportará para esta campaña, a cantidade de 6.000 euros para a emisión dunha partida de 600 lotes de vales compra por valor de 30 € cada un deles, repartidos en 3 vales compra por valor de 10 euros cada un. Deste xeito, asegúrase un investimento de 18.000 Euros que recaerán directamente nos negocios, establecementos comerciais e locais de hostalería de Cambados.
O custo de adquisición para os cidadáns será de 20 €, asumindo por tanto o concello a cantidade de 10 € por lote.
O prazo para gastar os vales, será do 13 de marzo ao 15 de abril de 2023, ambos inclusive.
– Cada lote de vales compra terá un valor de 30 €, divido en 3 vales de 10 €.
– O custo de adquisición do lote de vales compra para a público é de 20 €.
– Aforro: 10 €.
– Número de lotes: 600.
– Os vales non son cambiables por diñeiro en efectivo, nin se devolverá cambio no caso de que o importe da compra sexa inferior ao importe do vale.
– No caso de que se produza unha devolución do produto, o establecemento deberá emitir un vale polo importe íntegro da compra, non sendo posible a devolución de diñeiro en efectivo.
– Número máximo de lotes de vales por DNI ou NIE: 2 lotes.
– Os clientes deberán presentar os DNI orixinais no momento da compra.
– Non poderán adquirirse vales por medio de DNI de menores de 16 anos.
– Os vales compra poderán acumularse ata un máximo de 60 € (6 vales).
– Data límite de uso dos vales: 15 de abril de 2023.
– A adquisición dos vales realizarase fisicamente nos seguintes puntos de venda:
- As oficinas da asociación Cambados Zona Centro
Rúa Nova, 4 • Telf. 986 52 09 02 ext. #742
- Seguros Juan Rey
Avda. de Vilariño, 41 • Telf. 986 54 26 86
Así mesmo, tamén se admitirán reservas a través a páxina web www.cambadoszonacentro.com
SOLICITUDE E PROCESO DE ADHESIÓN Á CAMPAÑA DOS COMERCIOS
Os establecementos interesados en participar, deberán cumprimentar e presentar ata o 11 de marzo o documento de adhesión á campaña que estará á súa disposición no rexistro do Concello e nas oficinas da asociación Cambados Zona Centro, que irá acompañado da seguinte documentación:
- Fotocopia do NIF/CIF da persoa física ou xurídica titular da actividade.
- Fotocopia do NIF/CIF da persoa representante.
- Certificado de situación censal no IAE.
- Último recibo de autónomos de que se dispoña.
- Certificado da titularidade da conta bancaria.
- Outra documentación: a organización resérvase o dereito de solicitar calquera outro documento que considere necesario.
