Español
English
Área de Promoción Económica
A promoción económica de Cambados enténdese coma o resultado dun modelo de pobo a construír e dunha imaxe de vila a transmitir, apostando por un modelo de desenvolvemento local endóxeno, cooperativo e asentado na identidade e na historia do territorio. Trabállase pola dinamización económica do casco histórico e do rural.
O emprendemento é outra das liñas de acción desta área, fomentando a formación e creando as condicións axeitadas para o nacemento de proxectos colectivos, cooperativos e competitivos.
A Concellaría de Promoción Económica esta a traballar na xestión dos espazos de emprendemento de Cambados, para mellorar o edificio situado no polígono industrial destinado a Viveiro de Empresas, adicado ao emprendemento empresarial. A idea é facer destas instalacións un lugar multidisciplinar contando con despachos individuais e unha zona de coworking para emprendedores. O inmoble é un emblema do apoio ao emprego e a iniciativas empresariais.
Viveiro
O Viveiro de Empresas é unha acción impulsada polo Concello de Cambados co obxectivo de fomentar o desenvolvemento de iniciativas emprendedoras e proporcionar un espazo de xestión e un apoio administrativo ás novas empresas. Facilitar o establecemento, arranque e consolidación de novas empresas ou a viabilidade de empresas xa existentes para a súa posterior inserción no mercado, favorecendo aquelas de especial interese social ou estratéxico. Comezar un proxecto empresarial constitúe un gran reto. Poñer en marcha unha iniciativa propia, a través da creación dunha empresa, é unha aventura persoal tan estimulante como complexa. Sen embargo, non é unha aventura imposible.
