Español
English
Xestión Tributaria e Política Fiscal
Este Departamento ocúpase de realizar as xestións encamiñadas á consecución material das liquidacións dos tributos e doutros ingresos municipais, así como das recadacións, ao tempo que procura facer efectivo o principio de xeneralidade nas cargas tributarias dos obrigados ao pagamento a través da sección de inspección tributaria.
A elaboración dos orzamentos municipais, en coordinación cos diferentes departamentos municipais é outra das funcións desta Concellaría. Axustar os gastos e ingresos é o obxectivo fundamental nesta materia, sempre no marco da distribución dos recursos para atender as competencias e necesidades do concello e dos seus cidadáns.
En materia de políticas fiscais, deféndese a progresividade, considerando a situación económica e social nas figuras fiscais, con bonficacións ou desgravacións por tal condición. A suficiencia da recadación municipal ven determinada polas necesidades básicas que deben ser atendidas e pola loita contra o fraude fiscal e a economía mergullada.
Atención ao contribuínte
É a canle de comunicación entre o cidadán obrigado ao pago e os diversos servizos encargados de realizar a xestión e recadación de impostos, taxas e prezos públicos.
visitar ligazónEntre as funcións que desenvolve atópanse as seguintes:
- Información sobre os dereitos e obrigas do contribuínte.
- Asistencia ao usuario do servizo de Xestión, Recadación e Inspección do Concello.
- Asistencia nas declaracións tributarias e axuda na presentación de Autoliquidacións dos diferentes tributos contemplados nas ordenanzas fiscais municipais.
- Información e tramitación de beneficios fiscais (exencións e bonificacións) dos diferentes tributos.
- Emisión de certificados sobre os datos obrantes nos padróns e listaxes de cobro dos diferentes impostos e taxas.
- Presentación de solicitudes para a tramitación de domicializacións bancarias para o pagamento de tributos.
- Emisión de documentos de pago dos diferentes ingresos municipais.
- Presentación de solicitudes para a tramitación de fraccionamento e aprazamento de débedas municipais.
- Presentación de solicitudes para a tramitación de devolución de ingresos indebidos.
- Presentación de solicitudes para a tramitación de reclamacións e recursos tanto na fase de xestión como na de recadación dos ingresos municipais.
Asesoramento ao Contribuinte
Accede cómodamente á páxina principal da web de transparencia adicada á facenda local.
Bonificacións
Comproba as bonificacións as cales podes sumarte e aforrar así algo de diñeiro.
Calendarios
Visualiza o calendario fiscal onde podes atopar as datas de interese co cargo dos recibos.
Definicións
Neste apartado poderás comprobar a exacta definición do termo ou termos que descoñezas.
Modelos e Formularios
Accede e descarga o modelo axeitado á túa necesidade. Ponte en contacto con nós a través del e solicita o que consideres.
Ordenanzas
Consulta todas as ordenanzas en vigor neste apartado. Podes tamén consultalas fora de liña.
