Español
English
Área de Comercio
Neste servizo impúlsanse actuacións para mellorar a oferta comercial de Cambados e para promocionar o comercio como elemento vertebrador da vida social e económica da vila, a través de políticas activas de apoio ao comercio, de impulso do asociacionismo comercial, do aumento da súa competitividade e de mellora do contexto urbano.
En materia de comercio, promóvese e apóiase o comercio de barrio, fomentando o asentamento de empresas de servizos, a creación de cooperativas e da difusión de produtos turísticos na zona. Impúlsase a actividade comercial, suxerindo iniciativas comerciais innovadoras e alternativas para o comercio tradicional, a través de proxectos colectivos e coordinando as campañas de dinamización comercial coas campañas turísticas, culturais e de festividades da cidade.
Oficina Municipal de Información ao Consumidor
A Oficina Municipal de Información ao Consumidor (OMIC) ten como finalidade facilitar información aos consumidores sobre os seus dereitos. Fomenta a formación de consumidores e comerciantes mediante a organización de cursiños e coloquios sobre distintas seccións do consumo, con especial atención na formación do novo consumidor e, para iso, coordínase co profesorado co obxectivo de levar a educación do consumo á escola.
Ofrece documentación sobre aquilo que lle afecte ao consumo a disposición de todas as persoas que o soliciten. Facilirá tamén información ás asociacións de consumidores e entidades profesionais, pondo á súa disposición todo o material e documentación que precisen.
Nesta oficina, aténdese calquera problema, consulta e denuncia referente ao mundo do consumidor como:
- Inexactitude no peso
- Etiquetado incorrecto
- Aditivos
- Hixiene dos alimentos e establecementos
- Fraude comercial
- Manipulación e conservación dos alimentos
- Vendas a domicilio
- Contratos de seguros, vivendas…
- Recibos de servizos de teléfono
- Factura Eléctrica e o Bono Social
- Cláusulas Chan e Gastos Hipotecarios
A OMIC ofrece información ao consumidor que facilite o exercicio dos seus dereitos.
