ACTIVIDADES PARA O DÍA INTERNACIONAL DAS MULLERES.

ACTIVIDADES PARA O DÍA INTERNACIONAL DAS MULLERES.

A alcaldesa Fátima Abal acompañada por Mónica Novas fixeron a presentación dos actos que se van a celebrar con motivo do Día Internacional das Mulleres, onde Fátima Abal quixo informar a todos e a todas de que este 8 marzo ademais dos actos que se van a celebrar o concello de Cambados fará un parón de 2 horas comprendidas entre as 12:00 h e as 14:00 horas, nese mesmo periodo de tempo farase a lectura dun manifesto e a proxección dalgún vídeo ademais de poñer por megafonía o himno que se escoitará na gran manifestación que terá lugar este domingo en Vigo pola loita dun salario igualitario para os homes e mulleres que realizan as mesmas funcións.

Os actos que terán lugar durante estes días son:

O luns 5 de marzo.- XORNADA DE PROXECCIÓN: “ GRAZAS A ELA, EU PODO” no auditorio da Xuventude ás 19:00 h. O acto constará de varias proxeccións facendo referencia a todas esas mulleres que ao longo da historia deron o primeiro paso para acceder á educación secundaria, ou a poder exercer o seu dereito ao voto que todo o mundo debería lembrar.

O mércores 7 de marzo. – ALMORZO DE MULLERES EMPRENDEDORAS DO SALNÉS, este acto celebrarase en Plus De Sucre e é un acto no cal todas as mulleres que teñan intención de ser emprendedoras poderán gozar dunha xornada con mulleres que xa deron o paso e están a dirixir os seus negocios.

O xoves 8 de marzo. – LECTURA DO MANIFESTO DO DÍA INTERNACIONAL DAS MULLERES, ás 12 horas na Praza do Concello se o tempo o permite, si non trasladarase o acto ao Salón de Plenos, ao mesmo tempo Fátima Abal anima a apoiar o parón que se celebrará desde as 12:00 h. ata as 14:00 h. Pola tarde ás 19:00 h. terá lugar unha MASTER CLASS COMMUNITY MANAGER para emprendedoras, no edificio de Exposalnés, para explicar trucos para ser máis visible á hora de ser emprendedoras e captar así máis clientes.

O domingo día 11 de marzo.- GALA DAS MULLERES, no Salón de Congresos e Exposicións José Peña ás 18:00 h.

O luns 12 de marzo. – MULLERES EN ACCIÓN. VIOLENCIA ZERO, Este acto que ven da man da Deputación de Pontevedra consiste nunha performance da artista Elisa Miralles que se celebrará na Praza do Concello ás 12:00 h., se a climatoloxía é adversa este acto trasladarase ao Salón de Congresos e Exposicións José Peña, pola tarde ás 19:00 horas CHARLA SOBRE AXUDA ÁS MULLERES EMPRENDEDORAS no edificio Exposalnés, onde se informará ás novas emprendedoras e as que xa son emprendedoras das axudas a autónomas, tarifa plana etc..

O mércores dia 14 de marzo. – XORNADA DE MINDFULNESS “Mulleres rompendo barreiras”, no edificio de Exposalnés ás 18:00 h.

Desde o concello lémbrase que todas estas actividades son totalmente gratuítas e a alcaldesa Fátima Abal anima a todas as mulleres que se animen e participen de todas estas xornadas as cales ano tras ano contan con mais asistentes.

Deixa unha resposta

O teu enderezo electrónico non se publicará Os campos obrigatorios están marcados con

This site uses Akismet to reduce spam. Learn how your comment data is processed.