ACTIVIDADES PARA CONMEMORAR O DÍA DA MULLER TRABALLADORA

O 8 de marzo conmemórase o día da muller traballadora e por ese motivo o Concello de Cambados ten programadas unha serie de actividades durante varios días:

O martes día 8 comeza a xornada cun almorzo ás 9:30 adicado ao Fomento do Emprendemento Feminino. Ás 12:00 procederase á lectura do manifesto da Muller Traballadora na praza do Concello, e media hora máis tarde inaugurarase no paseo da Calzada unha exposición fotográfica. A xornada rematará ás 20:30 no auditorio da Xuventude, coa conferencia Memoria dunha bandida.

O mércores ás 18:00 proxectarase no auditorio a película infantil Brave, e o xoves ás 20:30 a película Piedras, ambas con entrada gratuíta.

O sábado 12 de marzo, no Auditorio da Xuventude, celebrarase a gala de entrega de premios da Muller Traballadora.

O mércores 16, celebrarase en Exposalnés a xornada O Salnés Impulsa,  sobre a búsqueda de emprego a través de internet, mentres que o xoves 31, tamén en Exposalnés, celebrarase o IV Simposio Móstrate Salnés.