A FEIRA DE OPORTUNIDADES DE CAMBADOS QUE SE CELEBRA ESTA FIN DE SEMANA TERÁ AMBIENTE MARIÑEIRO

A FEIRA DE OPORTUNIDADES DE CAMBADOS QUE SE CELEBRA ESTA FIN DE SEMANA TERÁ AMBIENTE MARIÑEIRO

O Paseo da Calzada acolle esta fin de semana unha nova edición da Feira de Oportunidades que organiza a asociación de comerciantes Zona Centro en colaboración co Concello de Cambados.

A feira celebrase os días 17, 18 e 19 de agosto e os postos estarán abertos en horario ininterrumpido de 11 horas da mañá a 23 horas da noite.

Nela participan un total de 35 comercios, e o público poderá atopar produtos moi diversos, como roupa de muller, home e neno, calzado, complementos, material deportivo e ata alimentos con importantes descontos.

Esta edición terá ademáis un aire mariñeiro e estará decorada con dornas e aparellos, así como comercios de náutica, requisito de Portos de Galicia para permitir a instalación dos postos no Paseo da Calzada.

O evento contará tamén con animación musical para contribuír ao ambiente festivo e haberá hinchables para os máis pequenos cos que se recadarán fondos para a Asociación Esperanza Salnés.

Deixa unha resposta

O teu enderezo electrónico non se publicará Os campos obrigatorios están marcados con

Este sitio emprega Akismet para reducir o spam. Aprende como se procesan os datos dos teus comentarios.