O servizo de información, orientación e prospección de emprego do Concello de Cambados informa das seguintes ofertas de emprego:

 

APARTAMENTOS ATLÁNTICO RESORT 

Ofrecemos 3 postos de traballo:

  • 1 Administrativo/a a media xornada con ciclo medio ou superior de Administracion e Finanzas.
  • 2 camareras de pisos para limpeza de apartamentos (1 a xornada completa de 10 a 18 h) (1 a media xornada de 10 a 14 h) de xuño a setembro.

para ambas ofertas, importante residir na zona de Sanxenxo, O Grove, Cambados e enviar os curriculums solo a este mail  (info@apartamentosatlantico.es)

Concello de Cambados - ORIENTACIÓN LABORAL
Centro Colaborador S.P.E.G.
Mª Eva Aragunde Chaves - Orientadora
Telf.:986.524.881  Telf. Móvil: 673.533.490
Fax1: 986.521.145 ...... Fax2: 986..097.017
orientacion@cambados.es

 

 

 

Asimesmo, a Cámara de Comercio de Pontevedra, Vigo e Vilagarcía de Arousa informa da seguinte oferta:

Diseñador/a web programación

Descripción: Empresa dedicada ao deseño web e ubicada en Vilagarcía de Arousa precisa un programador con coñecementos de CMS, PHP, MySQL, HTML, CSS, Ajax, JQuery, Boostrap. 

Requisitos: Debe ser experto en Wordpress e Prestashop, con coñecementos de Magento. Indispensable: Contar con portfolio de traballos. Valorarase experiencia en deseño gráfico, SEO e SEM, redes sociais, ERPs e coñecementos en deseño e maquetación web. Estudios mínimos en  Formación Profesional Grado Superior e experiencia profesional de polo menos 3 anos. 

Condicións: Ofrecese emprego estable e un bo ambiente de traballo. 

Contacto: enviar c.v a empleo@camarapvv.es co asunto  DISEÑADOR/A WEB PROGRAMACION

 

Arquivos adxuntos

 

O martes 20 de xuño os xardíns do Pazo de Torrado en Cambados foron o escenario da presentación da Festa da Langosta e da Cociña Mariñeira que terá lugar no porto da Guarda os días 30 de xuño, 1 e 2 de xullo.

Este ano escolleuse a vila pontevedresa de Cambados que foi declarada Cidade Europea do Viño 2017. Ademais cada ano achéganse centos de veciños e turistas de Cambados e dos seus arredores xa que é un público moi fiel á cita gastronómica coa que se da comezo o mes de xullo e as vacacións para moitos.

Neste fermoso espazo os establecementos colaboradores ofreceron unha mostra dos pratos e produtos que se poderán degustar nesta festa de recoñecido prestixio e un dos eventos gastronómicos máis importantes de Galicia.

Unha gran mesa acolleu as decenas de pratos como os percebes, nécoras, navallas, vieiras, croquetas e un longo etcétera ata os 20 pratos que se poderán degustar. Sen esquecer a raíña da festa, a langosta, da que se reparten uns 500 kg cada ano xa sexa á prancha ou cocida. Nesta edición os restaurantes da Guarda que participan son Casa Olga, O Cangrexal e Xeito.

Xunto aos restauradores estivo presente o xerente da Adega Gran Novas, do veciño concello do Rosal, e que se estrean nesta edición cos seus viños, albariño e do Rosal que contan coa Denominación Rías Baixas. Outra novidade desta edición é a participación da Pastelería Montserrat da Guarda que é a encargada do doce con produtos como rosca de xema, tarta de Santa Trega, atalaias de froita, nécoras doces entre outros doces.

O acto comezou coa intervención de Fátima Abal Roma, alcaldesa de Cambados, que agradeceu ao Concello da Guarda a elección de Cambados como escenario da presentación desta festa gastronómica recoñecida como festa de Interese Turístico de Galicia. O alcalde da Guarda, Antonio Lomba Baz, continuou amosando aos presentes a importancia da festa para a vila da Guarda e aproveitou para dar a coñecer as novidades da programación como é os pregoeiros de excepción para esta vixésimo sétima edición o Bruxo Queiman e Andrea Pousa que farán as delicias aos presentes co seu arte galego. Tamén destacou a actuación de María do Ceo que será a encargada de pechar esta edición coa noite de Fado. Sen esquecer outra cita xa habitual na programación da festa como é a Travesía a nado Porto da Guarda que se celebrará a mañá do sábado ou a feira de artesanía que se poderá visitar durante a fin de semana na rúa do Porto.

No acto tamén estiveron presentes o Concelleiro de Economía de Cambados, Xurxo Charlin e a Concelleira de Turismo da Guarda, Montserrat Magallanes, responsable da organización desta festa gastronómica.

 

A Concellería de Deportes do Concello de Cambados informa que, esta semana abríronse as inscripcións para os interesados/as en asistir ao “I Curso de Iniciación á Vela Tradicional”, que terá lugar no Peirao de Santomé entre os días 17 e 21 de xullo e suporá a posta en marcha da Escola Municipal de Vela Tradicional. O número de prazas será de 40 e a iscripción estará aberta ata agotalas por riguroso orde na oficina do Dinamizador Deportivo sita no Edificio Multiusos de A Merced, Avenida da Coruña, segundo piso, en horario de 9:30 a 13:30 horas.

O curso será impartido pola Asociación Vela Tradicional de Cambados e, por primeira vez, se utilizarán embarcacións tradicionais a vela da Ría de Arousa, como son dornas, pulpeiras e loros.

O curso será de vinte horas de duración, do luns 17 de xullo ao venres 21 de xullo, ambos inclusive, co horario seguinte: de 10:00 a 14.00 horas, pola mañá, para nenos/as de 10 a 15 anos e de 16:00 a 20:00, pola tarde, para adultos de 16 anos en diante.

O prezo será de 20 € para o grupo de 10 a 15 anos e de 30 € para os de 16 anos en diante e inclúe, ademáis do custe do curso, a licenza e o seguro obrigatorio.

Baixo o nome “Saborea o verán!” a Biblioteca Municipal Luís Rei ten preparada unha completa programación de actividades infantís que terán lugar entre os meses de xullo e agosto.

O obxectivo das mesmas é axudar ás familias cambadesas na conciliación da vida familiar e laboral, ofertando á vez, propostas divertidas e didácticas para os rapaces durante as vacacións. Trátase dun amplo abano de obradoiros e xogos que se desenvolverán polas mañás, de 10.30 a 13.30 horas, de luns a venres, para nenos a partir de primeiro de primaria.

Como vén sendo habitual haberá actividades gratuítas relacionadas coas novas tecnoloxías, “EnREDamos cos ordenadores”, para que os nenos se divirtan á vez que amplían os seus coñecementos na informática, a internet e a mecanografía. Tamén haberá un obradoiro para o achegamento á lingua inglesa (“English and fun!”). Do mesmo xeito, con “Repasamos no verán”, tamén haberá tempo para o repaso e o apoio escolar. Co obradoiro “L-emos!” dinamizarase o hábito á lectura en papel e coas novas tecnoloxías, para lectores principiantes, todavía coa “L”. Outra aposta importante será pola creatividade nos traballos manuais, empregando diferentes técnicas en “Creamos cas mans!”.

Ademáis ofertaranse as seguintes actividades subvencionadas grazas ao programa Ler conta moito, da Xunta de Galicia:

-Sesión de Divermaxia con A illa dos nenos, o martes 8 de agosto para todos os públicos ata completar aforamento.

-Obradoiro Libros, imaxes curtametraxes !, os martes 22 e 29 de agosto, para achegar  aos rapaces o mundo da creación cinematográfica. A inscrición é de balde ata cubrir as prazas (para rapaces e rapazas a partir de 10 anos).

Para ampliar a oferta, tamén se propoñen os seguintes obradoiros de pago:

-Xadrez, os venres.

-“Pequechefs de conto!” con receitas baseadas nos contos, que se realizará na aula de catas do Salón de J. Peña durante os mércores de xullo e agosto.

-“Pintura creativa con Emérita Méndez”, que levará a cabo todos os luns de agosto.

-Robótica-Lego Educación, os xoves.

As inscricións para estas actividades realizaranse do 19 ao 29 de xuño. Os interesados poden achegarse pola mañá en horario de 10.00 a 14.00 horas. As prazas son limitadas e a inscrición realizarase por rigorosa orde de chegada.

Dende a Concellería de Ensino, Patrimonio e Cultura do Concello de Cambados, o seu responsable Victor Caamaño anima a todos os nenos e nenas da vila a apuntarse para gozar dun verán entre libros e diversión.

Para máis información poden contactar co persoal do Departamento de Cultura no teléfono 986 520 008, ou no 986 520 902 ext. 764 e 765.

A Concellaría de Xuventude do Concello de Cambados informa dos cursos que se levarán a cabo durante os meses de verán no centro sociocultural da Merced:

Xuño:

- Xogamos a contar contos...

  • Data: do 14 ao 28 de xuño
  • Duración: 12 horas

- Educamos en galego: xogos tradicionais e deporte adaptado

  • Data: do 20 ao 29 de xuño
  • Duración: 11 horas

Xullo:

- Sácalle partido á túa marca persoal

  • Data: 12, 13 e 14 de xullo
  • Duración: 10 horas

- Orientación laboral

  • Data: 19 e 20 de xullo
  • Duración: 5 horas

- Educando en igualdade

  • Data: 26 de xullo
  • Duración: 4 horas

- Mildfunllness: educando de dentro a fora

  • Data: 27 de xullo
  • Duración: 4 horas

Agosto:

- Decoración de eventos infantís

  • Data: do 8 ao 11 de agosto
  • Duración: 12 horas

- Monitor de necesidades especiais

  • Data: 17 e 18 de agosto
  • Duración: 30 horas (semipresencial)

- Xestión eficaz do tempo

  • Data: do 21 ao 25 de agosto
  • Duración: 15 horas
  •  

Setembro:

- Traballo en equipo / Resolución de conflitos

  • Data: do 4 ao 8 de setembro
  • Duración: 20 horas

- Habilidades comunicativas en galego para o mundo laboral

  • Data: do 11 ao 15 de setembro
  • Duración: 20 horas

 

Xa está aberto o prazo de inscrición para todos os cursos, que serán impartidos de maneira gratuíta no centro sociocultural da Merced. Todos estes cursos veñen subvencionados pola Dirección Xeral de Xuventude, Participación e Voluntariado (Consellería de Política Social, Xunta de Galicia), agás os de “Educamos en Galego” e “Habilidades comunicativas en galego para o mundo laboral”, cuxa subvención ven a cargo da Consellería de Cultura, Educación e Ordenación Universitaria (Xunta de Galicia)

Para máis información e inscripcións, poden acudir á OMIX (centro sociocultural “A Merced”, 1ª planta (av. da Coruña s/n)) ou chamar aos teléfonos 986542663/673533331 de luns a venres entre as 10 e as 14 horas

A escola de ximnasia rítmica Grand Jeté celebra este domingo 18 de xuño, ás 18:00 horas no Pombal, o seu festival de fin de curso. A entrada ao evento é de balde.

Esta escola foi fundada no 2015 en Cambados, e actualmente imparte clases, entre os 3 e os 15 anos, nos seguintes centros: CEIP de Corvillón, CPI O Progreso de Catoira, CAD Gato Negro de Carril, Dojo Berserkers de Vilagarcía, CEIP viñagrande Deiro, Club de Competición en Cambados e Escolas de iniciaciónen Cambados.

Esta fin de semana disputarase a 5ª edición da ruta ciclista do Albariño (memorial Modesto Sánchez Alba “Teto”) na scategorías junior, sub-20 e feminina.

Máis de 100 ciclistas participarán nesta proba que transcorrerá entre os municipios de Cambados e Meaño, os días 17 e18 de xuño.

A cita organizada polo Club Ciclista Cambados e a Federación Galega de Ciclismo (FGC) abrirase o sábado ás 11:00 horas cunha cronoescalada de 3 quilómetros ao alto do Busto. Despois do aperitivo matinal, pola tarde será a quenda da primeira proba en liña. Ás 16:00 horas os corredores poranse en marcha desde Meaño para completar un percorrido de 54 quilómetros coa Meta Volante do Grove (Km 14) e o alto de 3ª categoría de San Benito (Km 46) como puntos quentes antes de alcanzar a liña de meta da rúa Desiderio Dóvalo na vila meañesa.

O desenlace da Ruta do Albariño chegará a partir das 10:30 horas do domingo en Cambados con tres voltas a un circuíto de 23 quilómetros no que se ascende a Padrenda, puntuable de 3ª categoría. Nos dous primeiros pasos pola Avenida de Galicia de Cambados repartiranse puntos para a clasificación das Metas Volantes e no terceiro coñecerase ao vencedor da xornada e da xeral do tríptico.

 

Os sábados 17 de xuño e 1 de xullo, a Confraría de Pescadores San Antonio de Cambados organiza unha serie de charlas e actividades para celebrar o seu centenario. Pdedes descargar o programa de actos no arquivo adxunto.

Arquivos adxuntos

Os días 24 e 25 de xuño, volven a ruxir os motores en Cambados, coa concentración moteira que por quinto ano consecutivo organiza o motoclub “o mellor de cada casa”.

O evento desenvolverase no complexo do Pombal, e contará co seguinte programa:

Sábado 24:

14:00 apertura de inscripcións
17:00 xogos populares
19:00 concurso moto lenta e escape ruidoso
20:30 exhibición acrobática “CAJÖ STUNT”
22:00 cea moteira para inscritos
00:30 ruta nocturna polas rúas da vila cambadesa
01:00 festa nocturna na discoteca GALIMOVIL

Domingo 25:

9:30 almorzo para inscritos
11:30 ruta turística con parada para pincho, polos concellos vecinos
14:00 gran pinchada final, entrega de trofeos e regalos

 

Realizarase un sorteo de 2 entradas para o Gran Premio de Cheste.

O mércores, 14 de xuño, ás 20:30 horas en Exposalnés terá lugar a presentación de “Floreano” de Gogue. 

Participarán Manuel Bragado, director de Xerais, Víctor Caamaño, concelleiro de Cultura, e Gogue.

Colaboran as librarías Ramón Cabanillas e Contos.

Este libro recolle catrocentas tiras das publicadas por Gogue en “Faro de Vigo” na súa sección “Floreano” organizadas en tres apartados: “De mulleres, chiñas, rubias e varios”, “De curas, monseñores e eminensias” e “De tasas, viños e loureiros”. 
Constitúe a primeira gran antoloxía dos personaxes creados polo humorista do Grove: Floreano, Monchiña, Epifanio, Cachiña, don Ramón o cura, Charito e Fly. Abre o volume o texto, “Floreano, My Way”, limiar de Alberto Avendaño, director de “Tiempo Latino”.

“Floreano e mais eu cumprimos os 25 anos en paralelo, el nas páxinas do “Faro de Vigo” e eu nas rúas migratorias dos Estados Unidos. Eu creo na liberdade de expresión e Floreano é a expresión da liberdade. Floreano é paródico e saudoso, eu vivín a parodia en Galicia e vivo a saudade en Washington. Floreano, aínda que non o pareza, nunca fai comentarios de actualidade transcendental; limítase a doar os seus órganos vitais —cerebro, lingua e outras partes brandas— para o melloramento da humanidade. Eu nunca me atrevería a tanto. Floreano é un heroe accidental, un mártir despistado, un home sen segundas porque pensa que conduce un coche automático. 

Niso tamén somos diferentes. Floreano debe ser declarado Patrimonio Intanxible da Humanidade aínda que a el o que máis lle gusta é tocar. (...)Se lle preguntas a Floreano como lle vai a vida, espétache: My Way! Se mo preguntas a min, eu dígoche: Do carallo! E cando Floreano e mais eu cantamos a dúo, con Sinatra na casete do dous cabalos gris, e chega aquilo de I did it my way!, nós os dous —que non falamos galego normativo— erguemos as cuncas de tinto ao ceo e aturuxamos en perfecta de-sintonía: Man-da-ca-ra-lloooooo!

Gracias, GOGUE. Thank you, Floreano."Do limiar" de Alberto Avendaño.

 

 Ir á páxina seguinte Ir á última páxina