Plan de Obras e Servicios (Plan Concellos), 2017

O Plan de Emprego, incluído na liña 3 do Plan provincial de cooperación ás obras e servizos de competencia municipal para o exercicio 2017, permite a contratación de desempregados para a conservación e funcionamento de bens e servizos municipais, a través  da prestación de servizos mínimos de competencia municipal, de interese xeral e social, e por outra banda a inserción dos colectivos máis desfavorecidos e con dificultades para encontrar un posto de traballo, propiciado pola actual crise económica, vítimas de violencia de xénero, candidatos maiores de 45 anos, candidatos que formen unha familia monoparental con fillos a cargo, persoas candidatas con renda máis baixa, e persoas candidatas con cargas familiares.

As traballadoras e traballadores que sexan contratados para realizar as obras ou prestar os servizos polos que se outorgue a subvención deberán ser persoas desempregadas, inscritas no Servizo Público de Emprego de Galicia como demandantes non ocupados e que estean dispoñibles para o emprego. Estes requisitos deberán cumprirse tanto no momento da selección coma no da formalización do contrato. Os traballadores serán seleccionados mediante a presentación da correspondente oferta na oficina pública de emprego, nos modelos normalizados para o efecto, facendo referencia ós requisitos e características que deben reunir as persoas que sexan contratadas para o adecuado desempeño das funcións inherentes ós postos de traballo ofertados. Para a xestión das ofertas establécese como ámbito de busca de emprego o municipio do concello de Cambados.

O concello será quen realice a selección definitiva dos candidatos, a través dos funcionarios municipais e de conformidade coa normativa aplicable, na forma prevista e segundo os criterios sinalados na orde destas axudas onde se priorizara a inclusión de desempregados en colectivos máis desfavorecidos e con dificultades para encontrar un posto de traballo. Vaise contratar mediante este plan:

6 Operarios de Persoal de Limpeza ou Limpador en Xeral, co código de ocupación 92101050, e cun contrato de traballo de 6 meses de duración e cunha xornada laboral de 35 horas semanais, con data de inicio prevista no mes de Xuño deste exercicio 2017.

As principais actuacións a desenrolar serán a de detección de vertidos incontrolados, actuacións para a  recuperación de sendas, con desbroces, limpeza de sendas, camiños e mantemento viario, mantemento e limpeza en edificios de titularidade municipais ou centros que o mantemento sexa de competencia municipal centros culturais, biblioteca, museos, colexios etc.

CONTRATACIÓN 2 TECNICOS DE TURISMO

Mentres, a través da subvención concedida pola Axencia de Turismo de Galicia neste exercicio 2017, vai permitir a contratación de 2 Técnicos de Empresas e Actividades Turística, co código de ocupación 26301039, que deberá estar en posesión dalgún dos seguintes títulos: técnico superior en información e comercialización turística ou técnico superior en guía, información e asistencia turística; técnico en empresas e actividades turísticas, ou grao ou diplomado/a en turismo ou equivalente homologado ou ben contar coa habilitación de guía de turismo, para traballar na oficina de Turismo municipal de Cambados dende o 15 de xuño ata o 15 de setembro deste ano, e cunha xornada laboral de 5 horas diarias en horario de mañan ou tarde, fins de semana, excepto domingo de tarde e luns. 

A Deputación de Pontevedra, dentro das accións formativas da Escola de Igualdade María Vinyals, organiza unha xornada para visibilizar o traballo das mulleres na viticultura, creando un espazo de encontro no que compartir experiencias e testemuños de mulleres que participan no proceso de investigación, elaboración e comercialización do viño en Galicia.

Con motivo de que este ano Cambados é a Cidade Europea do Viño, a xornada desenvolverase no Auditorio desta localidade (sesión de mañá) e nas Bodegas Martín Códax (sesión de tarde) o vindeiro 10 de xuño.

As prazas son limitadas; poderá inscribirse ata un máximo de 100 persoas

Ademais de exposicións e unha mesa de experiencias, nesta xornada realizarase unha cata e unha visita ás Bodegas Martín Códax (ver programa).


Para reservar a túa praza deberás cubrir e enviar o formulario que atoparás neste enlace.

Unha vez recibidos os formularios de inscrición confirmarémosche, á maior brevidade posible, a túa inscrición ou, de ser o caso, a dispoñibilidade de prazas a través do correo electrónico.

Inscrición gratuíta, prazas limitadas
Data límite de inscrición: 6 de xuño de 2017

Programa (pdf)

Persoas destinatarias

Persoas interesadas en compartir experiencias, coñecementos e boas prácticas no sector vitivinícola, preferentemente:

  • Mulleres profesionais do sector
  • Mulleres emprendedoras do sector
  • Mulleres que queiran orientar o seu desenvolvemento persoal e profesional cara a este sector
  • Persoal de organizacións públicas e privadas
  • Orientadoras e orientadores laborais e profesionais afíns
  • Persoas con interese no eido do viño

Para máis información contacta co Servizo de Igualdade a través do correo electrónico igualdade@depo.es ou escolamariavinyals@depo.es ou no teléfono 986 804 100 (ext. 40870)

 

A Concellería de Servizos Sociais, Sanidade e Terceira Idade, dirixida por Tino Cordal, organiza una excursión ás Illas Cíes para maiores de 65 anos. A excursión realizarase o vindeiro xoves 15 de xuño.

O Concello alugou con esa finalidade un catamarán que sairá do porto de Tragobe ás 10 da mañá dese día. A viaxe de Cambados a Cíes en barco dura aproximadamente dúas horas, co que se espera atracar no peirao da principal illa do Parque Nacional das Illas Atlánticas arredor do mediodía.

En Cíes, os excursionistas cambadeses estarán acompañados por varias guías que lles amosarán os encantos destas paradisíacas illas. Está previsto que a comitiva xante no propio restaurante localizado a carón da praia de Rodas, considerada unha das máis fermosas do mundo. O regreso dende Cíes será ás 18:45 horas, chegando a Cambados ás 20:45.

A viaxe é gratuíta e estará sufragada integramente pola partida orzamentaria para a Terceira Idade do Concello de Cambados. O xantar en Cíes correrá por conta dos excursionistas.


As prazas para esta excursión son limitadas. Hai que inscribirse no Concello, no despacho da Concellería de Servizos Sociais, Sanidade e Terceira Idade, sito na primeira planta da Casa Consistorial. Un requisito indispensable para poder participar desta excursión é estar empadroado en Cambados.  

A Concellería de Servizos Sociais, Sanidade e Terceira Idade entende que este tipo de actividades son moi beneficiosas para a saúde física e mental dos nosos maiores. Ademais, moitos deles terán unha oportunidade única para visitar por primeira vez as Illas Cíes, auténtica xoia do Parque Nacional das Illas Atlánticas.

A Concellería de Servizos Sociais, Sanidade e Terceira Idade quere impulsar a realización de actividades saudables para persoas maiores. Por iso, no mes de xullo organizará tamén unha andaina que percorrerá o centro de Cambados.     

BEST BOY é o nome da banda liderada por Ángel Sánchez e Lucas Fernández.

Chegan desde Tui e estanse a converter na banda revelación  despois das súas exitosas aparicións no Festival Sin Sal, Festival da Luz, Mercado da Estrela, Festa Demoscópica Mondo Sonoro, Lapso 2015, Atlantic Fest ...

Influezas? pois ... todas. Desde o blue grass ao funk máis clásico, desde o soul da motown ata o rock sureño, o pop, o jazz ... é o que ten ser unha banda “fronteiriza” (Tui).

Best Boy encóntranse cómodos en calquera formato ... desde un pequeno concerto acústico, íntimo, para uns poucos amigos ... ata un gran festival onde sexa necesaria a enerxía e a comunicación con grandes audiencias.

“Cross the border” é o título do seu primeiro Cd. Unha xoia por descubrir ...

Ademais, nos próximos meses verá a luz o seu novo álbum en directo ... así que atentos ...

 

Mañá martes, ás 20:30h na biblioteca municipal Luis Rei terá lugar a presentación de “blues para Moraima”, de Miguel Anxo Fernández, nun acto no que o autor estará acompañado por  Eduardo Galán e Víctor Caamaño, e que contará coa actuación musical de Modesta Padín e Nelly Iglesias.

 

PARA NEN@S DE 3 A 8 ANOS

Este Concello ten previsto desenvolver durante os meses de xullo e agosto, no período que vai do 5 de xullo ao 25 de agosto, unha programación especial en horario de mañá (de 8:00 a 14:00 horas sen comedor e de 8:00 a 15:00 con comedor) que lle permita a moitas familias cambadesas, con nenos e nenas pequenos, conciliar a súa vida laboral e familiar, toda vez que se trata dun período non lectivo para os fillos pero si de traballo para moitos pais e nais. Deste xeito dáse resposta á crecente demanda que estamos a recibir por parte das nais e pais dos nenos desde Concello.

Os prezos da ludoteca son de 60 euros ao mes sen comedor e de 120 euros ao mes con comedor.

Cabe indicar así mesmo que todas as actividades da ludoteca vanse levar a cabo baixo a permanente supervisión de profesionais con experiencia e que as nenas e os nenos non van a estar solos en ningún momento.

O prazo de inscrición ábrese este luns 22 de maio e remata o xoves 8 de xuño.

As inscricións deben realizarse no Concello de Cambados.

 

Arquivos adxuntos

Esta mañá foi inaugurada a mostra “Nado en Pedra” que mostra o traballo realizado pola Escola de Canteiría da Deputación de Pontevedra. Esta exposición ao aire libre poderá visitarse no Paseo da Calzada ata o vindeiro 30 de xuño.

Durante o acto de inauguración, a presidenta da Deputación, Carmela Silva, e a alcaldesa de Cambados, Fátima Abal, firmaron un convenio de colaboración entre ambas entidades para a instalación dun conxunto escultórico representativo dunha bodega, que será instalado no patio interior do Museo do Viño, con motivo da designación de Cambados como Cidade Europea do Viño 2017.

 

Un cento de nadadores de España, Portugal e Arxentina participarán na travesía a nado entre a illa de Sálvora e Vilagarcía, de 28 km, que se celebrará o 2 de setembro. É unha das probas máis longas e esixentes do continente europeo


A programación inclúe visitas guiadas a Sálvora e Cortegada, en colaboración co Parque Nacional, nas que se organizarán dous concursos de fotografía para escoller as mellores imaxes de ambos arquipélagos. Tamén están previstas visitas a Vilagarcía, á CasaMuseo de Valle-Inclán, en Vilanova, e Cambados, con motivo da celebración da Cidade Europea do Viño
 

 A organización da Triple Coroa Illas Atlánticas, que celebrará a súa terceira proba de natación o próximo 2 de setembro entre a illa de Sálvora e Vilagarcía con 28 km de distancia, promocionará a oferta turística de Arousa coa programación de varias actividades paralelas dirixidas aos familiares e acompañantes dos nadadores, procedentes de distintos puntos de España, Portugal e Arxentina (http://triplecoronaillasatlanticas.com/edicion2017/a-la-carta/).

A organización da proba de natación ten previsto un completo programa durante o primeiro fin de semana de setembro, que inclúe visitas guiadas ás illas de Sálvora e Cortegada, en colaboración co Parque Nacional dás Illas Atlánticas de Galicia e a empresa Corticata, respectivamente. Durante as visitas organizaranse dous concursos de fotografía, conxuntamente con Fuji España, para escoller as mellores fotografías de cada un dos dous arquipélagos, que serán premiadas con dúas cámaras de fotos outdoor Fuji XP120. O xurado que escollerá as mellores fotografías estará composto polo director do Parque Nacional dás Illas Atlánticas de Galicia, José Antonio Fernández Bouzas, o fotoperiodista da axencia France Presse, Miguel Riopa, e Fuji España.

Ademais, os familiares dos nadadores poderán coñecer como é o proceso de cultivo dos mexillóns na ría de Arousa a través dunha visita a un polígono de bateas e unha degustación deste marisco a bordo dun catamarán.

Tamén está prevista unha visita guiada a Vilagarcía no tren turístico, así como unha visita gratuita á Cása-Museo de Valle Inclán, en Vilanova de Arousa, en colaboración co Concello desta localidade. O domingo 3 de setembro, a concellaría de Turismo do Concello cambadés organizará unha visita guiada gratuita polo casco histórico desta vila, de dúas horas de duración, con motivo do nomeamento da Cidade Europea do Viño 2017.

Os obxectivos da Triple Coroa Illas Atlánticas son poñer en valor a riqueza natural das Illas Atlánticas, promocionar as Rías Baixas e converter este desafío deportivo nunha das probas de natación de referencia en España e Europa.

A terceira proba de natación celebrarase o 2 de setembro entre a Illa de Sálvora e Vilagarcía cunha distancia de 28 km. A travesía a nado arrincará desde a praia do Almacén en Sálvora e pasará por O Grove, Cambados, a Illa de Arousa, Vilanova de Arousa ata chegar á praia de Compostela, en Vilagarcía. No caso de que as condicións meteorolóxicas non permitisen a saída desde Sálvora a organización ten previsto un percorrido alternativo de 20 km con saída e chegada en Vilagarcía.

Durante a travesía despregarase un amplo dispositivo de seguridade, integrado por embarcacións, kayaks de apoio, motos acuáticas e paddle surf. A proba conta co patrocinio da Consellería do Medio Ambiente, Abanca, M+Q España, Galicia Calidade, Arraianos Produccións, Mancomunidade do Salnés, Gadis, Autoridade Portuaria de Vilagarcía e Ibericar.

Colaboran os Concellos de Vilagarcía de Arousa, Riveira, O Grove, Cambados, Vilanova de Arousa, Illa de Arousa e Boiro, a Fundación de Deportes de Vilagarcía, a Consellería do Mar, o Parque Nacional das Illas Atlánticas de Galicia, a Secretaría Xeral para o Deporte, a Federación Galega de Vela, o Consello Regulador da Denominación de Orixe Mexillón de Galicia, o Consello Regulador da Denominación de Orixe Rías Baixas, a Agrupación de Parquistas de Carril e Conservas Isabel, entre outros.

Tamén participarán como colaboradores as Cofradías de Pescadores de O Grove, Illa de Arousa, Cambados, Vilanova e Vilagarcía, as asociacións culturais Komaira, Calmoseira e A Dorna da Illa de Arousa, a asociación Mecos de O Grove e o Clube de natación e Salvamento de Vilagarcía de Arousa.

Ademais colaboran Fujifilm España, Iberia, Powerade, 226RS, Froitas Sol, Adegas Val Miñor, Belagua Edicións, Head, Zoggs, Clubnatacion.com, Ciclos Boyer Vigo, Náutica Medusa, Kailúa, Ahituvi, Lecer Sport, Kitesurf Boarding, Camiño en Kayak, os clubs de piragüismo de Cambados, Rianxo, Muíños e Piragüilla, Masmar, os Clubs Náuticos de Riveira e O Grove e o Hotel Castelao, entre outros.

A Triple Coroa Illas Atlánticas é un reto de carácter competitivo que consiste en tres probas de natación de 13, 16 e 28 km, cun percorrido total de 57 quilómetros, que se disputan entre 2015 e 2017 en augas das Rías Baixas (Pontevedra, Vigo e Arousa). Este evento deportivo estase consolidando como unha das citas máis importantes a nivel nacional e estranxeiro dentro do calendario de natación de augas abertas. Cada unha das tres travesías sae dunha illa do Parque Nacional das Illas Atlánticas: Ons, Cíes e Sálvora, respectivamente.

A primeira das tres coroas, de 13 km, tivo lugar en 2015 entre a Illa de Ons e Sanxenxo cun total 135 participantes de toda España e Portugal. A segunda, en setembro de 2016, tivo como punto de partida a praia de Rodas, nas Illas Cíes, e terminou na praia de Ribeira, en Baiona, con 16 km de percorrido. A última, a máis longa con 28 km, arrincará da illa de Sálvora e finalizará en Vilagarcía de Arousa, o 2 de setembro de 2017. Será a última proba da primeira edición da Triple Coroa Illas Atlánticas. A duración media desta última travesía estará por encima das oito horas, o que pon de relevo a enorme esixencia desta travesía. Será unha das probas máis longas de Europa.

A Triple Coroa Illas Atlánticas está organizada por Atlantic Extrem Sports e o clube Tumetapersonal, organizadores da Travesía a nado Costa Serena, en Nigrán, que o ano pasado reuniu en Praia América a preto de 500 nadadores.
Para máis información:

Atlantic Extrem Sports
Beatriz Alvariño Díaz del Río (649 67 34 45)
info@triplecoronaillasatlanticas.com
www.triplecoronaillasatlanticas.com
https://www.facebook.com/triplecoronaillasatlanticas

A Cámara de Comercio de Pontevedra, Vigo e Vilagarcía informa da seguinte oferta:

Posto de traballo: operario de mantemento industrial

Data de publicación: 15/05/2017

Número de referencia: 951

Descrición: empresa agroalimentaria (sector da pesca) ubicada na comarca do Salnés busca operario para o seu departamento de mantemento.

Funcións: reportando directamente ao xefe de mantemento, terá como función: mantemento en xeral dos bens de equipo e instalación técnicas da empresa, realizando actividades para o mantemento a nivel preventivo. Solucionar os problemas técnicos de averías ou mantemento correctivo. Montaxe/ desmontaxe de maquinaria e instalación técnicas. Cumprimentar as ordes de traballo.

Requisitos do candidato/a:

Formación: FP I, FP II ou CFGS Mecatrónica Industrial, Equipos e Instalacións Electrotécnicas, Mantemento de Equipo Industrial ou Enxeñería Técnica Industrial (especialidade en Electrónica ou Electricidade). Experiencia previa mínima de dous anos en postos similares. Dominio das tarefas de soldadura, electricidade e mecánica en xeral. Valorable: titulación operador de caldeira, Certificado de uso de carretillas elevadoras, Certificado de uso de plataformas elevadoras, Residencia na comarca do Salnés.

Contacto: enviar C.V. a empleo@camarapvv.es co asunto OPERARIO/A ANTEMENTO INDUSTRIAL

Arquivos adxuntos

 Ir á páxina seguinte Ir á última páxina